स्पेनिस ला लिगामा शीर्ष स्थानको रियल म्याड्रिडले मालोर्कालाई १-० गोलले पराजित गरेको छ।
रियलको संघर्षपूर्ण जितमा डिफेन्डर रुडिगरले ७८ मिनेटमा गरेको गोल निर्णायक बन्यो।
यता उपाधि होडमा रहेको अर्को टिम जिरोनाले एट्लेटिको म्याड्रिडलाई ४-३ गोलले पराजित गरेको छ।
अंक तालिकामा रियल १९ खेलबाट ४८ अंक जोड्दै शीर्ष स्थानमा छ। दोस्रो स्थानको जिरोनाको पनि ४८ अंक नै छ।
तेस्रो स्थानको एट्लेटिकोको ३८ अंक छ भने एक खेल कम खेलेको बार्सिलोना ३८ अंक जोडेर चौथो स्थानमा छ।
