चेल्सीलाई पराजित गर्दै म्यानचेस्टर सिटी एफए कपको फाइनलमा पुगेको छ।
शनिबार राति भएको खेलमा सिटी १-० गोलले विजयी भएको हो। सिटीको जितमा बर्नान्डो शिल्भा नायक साबित भए।
उनले गरेको एक मात्र गोलले सिटीले एफए कपको फाइनल यात्रा गर्यो।
उनले खेलको ८४ मिनेटमा गोल गरेका थिए। च्याम्पियन्स लिगको क्वाटर फाइनलबाट बाहिरिएको सिटीलाई कपको फाइनल पुगेसँगै राहत मिलेको छ।
अर्को सेमिफाइनलमा म्यानचेस्टर युनाइटेड र कोभरन्ट्रीबीच आज प्रतिस्पर्धा हुँदैछ। विजेताले उपाधिका लागि सिटीसँग २५ मेमा प्रतिस्पर्धा गर्नेछ।
