एन्फा महिला लिगको अंक तालिकाको शीर्ष स्थानमा रहेको सशस्त्र प्रहरी बलको एपिएफ क्लबको उत्कृष्ट प्रदर्शन जारी छ।
लिगमा अपराजित एपिएफले शुक्रबार भएको खेलमा कोशी प्रदेशलाई ८-० गोलले पराजित गर्यो।
पुलिसको जितमा रश्मीकुमारी घिसिङ एक्लैले पाँच गोल गरिन्। उनले खेलको ५६, ८२, ८५, ८८ र ८९ मिनेटमा गरी पाँच गोल गरेकी हुन्।
यस्तै कप्तान अनिता बस्नेतले दुई गोल गरिन्। उनले खेलको १९ र ८१ मिनेटमा गोल गरिन्।
त्यसअघि एपिएफले अनिता केसीको गोलबाट सुरूवाती अग्रता लियो। अनिताले खेलको पाँचौ मिनेटमा टोलीका लागि पहिलो गोल गरेकी थिइन्।
जितसँगै एपिएफले ७ खेलबाट १९ अंक जोडेको छ। एपिएफले ६ खेलमा जित निकाल्दा एक खेलमा बराबरी खेलेको छ।
कोशी भने अंक तलिकाको पाँचौ स्थानमा छ। कोशी १० अंक छ। यसअघि लिगमा लगातार तीन खेलमा जित निकालेपछि कोशीले एक खेलमा बराबरी र तीन खेलमा हार ब्यहोरिसकेको छ।
