युवा तथा खेलकुद मन्त्री तेजुलाल चौधरीले खेल सञ्चालनका लागि उपयुक्त मौसम नभएको र भौतिक पूर्वाधारको अवस्था कमजोर भएकोले १० औँ राष्ट्रिय खेलकुद प्रतियोगिता गर्न नसकिएको बताएका छन्।
प्रतिनिधि सभाको मंगलबारको बैठकमा मन्त्रालयसम्बन्धी प्रश्नको जबाफ दिँदै मन्त्री चौधरीले यस्तो बताएका हुन्।
उनले सरोकारवालाहरूबाट प्राप्त सुझाव र जानकारीलाई समेत ध्यानमा राख्दै प्रतियोगिता स्थगित गरिएको बताएका हुन्।
उनले प्रतियोगिता सञ्चालनका लागि आगामी आर्थिक वर्षको बजेट समेत विनियोजन भइसकेको उल्लेख गर्दै प्रतियोगिता सञ्चालन गरिने बताए।
उनले भने, ‘गण्डकी प्रदेशको सुर्खेत र अन्य ठाउँमा भौतिक पूर्वाधार निर्माण र स्तरोन्नति र खेल सञ्चालन गर्न उपयुक्त मौसम भयो भने सम्बन्धी सरोकारवालाहरूसँग दिएको सुझाव एवं जानकारी समेतलाई दृष्टिगत गरी हाल १० औँ राष्ट्रिय खेलकुद प्रतियोगिता स्थगित गरेको छ। हामीले उक्त प्रतियोगिताको लागि आगामी आर्थिक वर्षको लागि बजेट समेत छुट्याएको हुनाले आगामी वर्षमा हुन्छ।’
देशभरका विभिन्न क्रिकेट रंगशालाको विकास र स्तरोन्नतिका लागि समेत सरकार गम्भीर भएको उनले बताए।
उनले खेलको बृहत्तर विकासका लागि भौतिक पूर्वाधार निर्माण, खेलाडीलाई प्रशिक्षण लगायतका लागि आगामी आर्थिक वर्षका लागि बजेट विनियोजन गरिएको समेत उल्लेख गरे।—न्युज एजेन्सी नेपाल
-1746009348.jpg)
