साउन २७ गते प्रदर्शनमा आइसकेको ‘संरक्षण’ फिल्म फेरि रिलिज हुने भएको छ। तराईका केहि जिल्लामा आएको बाढीका कारण फिल्मको रिलिज स्थगित भएको थियो । फिल्म तिनै क्षेत्रमा रिलिज हुन लागेको हो।
ती जिल्लामा फिल्म फागुन १७ मा रिलिज हुने निर्माण पक्षले जनाएको छ। यस रिलिजका लागि फिल्मको नयाँ पोस्टर समेत सार्वजनिक गरिएको छ। त्यस्तै होलिको अवसर पारेर ‘होरिमे गोरी…’ बोलको गीत पनि पुन: युट्युब अपलोडसमेत गरिएको छ । साउन २५ को रिलिज मा फिल्मले विषय राम्रो उठान गरेको भए पनि फिल्मका रूपमा विषय पस्कन असफल बनेको भनेर समिक्षकियरूपमा चर्को गरी आलोचित बनेको थियो।
https://www.youtube.com/watch?v=sjrvd-nszoM
पुर्णेन्दु निर्देशित सिनेमामा निखिल उप्रेती, सौगात मल्ल, अशिष्मा नकर्मी, मलिन जोशी, प्रमोद अग्रहरी, रमेश रंजन, रमेश बुढाथोकी, निर शाह, श्वेता शाह लगायतका कलाकारको अभिनय छ ।
नरेन्द्र महर्जन, प्रदीपकुमार उदय, नन्दु श्रीवास्तव, श्वेता शाहको लगानी रहेको सिनेमामा हिमाल केसीको एक्सन, पुरुषोत्तम प्रधानको छायाँकन, विपिन मल्लको सम्पादन रहेको छ ।
https://www.youtube.com/watch?v=Q_kVtFZhSLI
