सुरेश अधिकारीको स्वर तथा शब्द रहेको गीत 'झरनाको चिसो पानी' रिमेक गरिएको छ। गीतको रिमेकमा राजु लामाको स्वर छ।
यो गीत सगरमाथा डिजिटल प्रालिले रिमेक गरेको हो। गीतमा निरज कुमारको संगीत रहेको थियो। कम्पनीले अहिले गीतमा संगीत संयोजन मात्रै बदलेर रिमेक गरिएको जानकारी दिएको छ।
‘सबै गीतको रिमेक हुने भाग्य हुँदैन। यो उत्कृष्ट गीत भएकाले रिमेक गरिएको हो। हामीले गीत रिमेक गर्न रचनाकार, संगीतकार तथा गायक सबैसँग अनुमति लिएका छौं,’ कम्पनीका अध्यक्ष हिरा केसीले भने।
मौसम हिमालीले निर्देशन गरेको गीतलाई अनिल के मानन्धरले निर्माण गरेका हुन्। भिडिओमा अभिनेता पुष्प खड्का र ललिना चिमरियाको अभिनय छ।
अनिल के मानन्धरले छायांकन गरेको म्युजिक भिडिओलाई मनोज कार्कीले सम्पादन गरेका छन्।
