सनम कुमार बैराग निर्देशित फिल्म 'कैदीको पत्र' को गीत सार्वजनिक भएको छ।
सोमबार ओएसआर डिजिटल युट्युब च्यानलमार्फत फिल्ममा समावेशी 'कति साह्रो सुहाको' बोलको गीत सार्वजनिक गरिएको हो।
अन्जु पन्त र सागर आलेको स्वर रहेको गीतमा सनम कुमार बैरागको शब्द तथा सुरेश सेन्चुरीको संगीत छ। गीतमा अभिनेत्री सलिना थापाले नृत्य गरेकी छन्।
फिल्ममा आफ्नो जीवनमा पाएको खुशीलाई सम्हाल्न नसक्दा मानिसले व्यहोर्नुपर्ने उतारचढावलाई देखाइएको निर्देशक सनमले बताए।
यो फिल्मको सम्पूर्ण छायांकन स्कटल्याण्डमा गरिएको हो। फिल्ममा कुनाल विश्व, ब्रिटिश अभिनेत्री म्याडिशन लाजार, सलिना थापामगर, पृथ्वीराज खत्री, सुवर्ण थापा, मनिष श्रेष्ठलगायत कलाकारको अभिनय छ। दिल घले, नानी बैराग, कैलाश विश्वकर्मा र हिराल जोशी फिल्मका निर्माता हुन्।
रामेश्वर कार्कीले छायांकन गरेको फिल्मलाई अर्जुन जिसीले सम्पादन गरेका छन्।
