राजु गुरुङ निर्देशित फिल्म 'क्रस रोड्स: कथा तिम्रो र मेरो' को गीत सार्वजनिक भएको छ।
अनजिङ युट्युब च्यानलमार्फत फिल्ममा समावेशी ‘आज भोलि तिम्रै कुरा’ बोलको गीत सार्वजनिक गरिएको हो। सार्वजनिक गीतमा अभिनेत्री रिश्मा गुरुङ, गौरव मल्ल प्रधान र रिकजंग दोर्जे भुटियालाई देख्न सकिन्छ।
याङ्की योल्मोको स्वर रहेको गीतमा शब्द तथा संगीत अभिषेक रमुदमुको रहेको छ।
यो फिल्म भारतको दार्जिलिङ, सिक्किम र कोलकातामा छायांकन गरिएको हो।
एनी राई लामा, जिग्मी लामा र नेवल लामाले निर्माण गरेको फिल्ममा रिश्मा, रिकजंग र गौरवसँगै याङ्की योल्मा, बुद्धि तामाङ, अम्बिका थापा, शशिकला प्रधान, पवन सुब्बा र एमडी सनीलगायत कलाकारको अभिनय छ। फिल्मको कथा अर्विन्द, निकी गोले, चञ्चल थापा र विवेक थापाले तयार पारेका हुन्।
चन्चल थापाले छायांकन गरेको फिल्मलाई रुपेनले सम्पादन गरेका हुन्।
