प्रदीप शाही निर्देशित फिल्म 'अन्तिम संस्कार' को फर्स्ट लुक पोस्टर सार्वजनिक गरिएको छ।
फिल्मको पोस्टर सार्वजनिक गर्दै प्रदर्शन मिति घोषणा गरिएको छ। यो फिल्म असार ८ गतेदेखि प्रदर्शन हुनेछ।
सामाजिक तथा सांस्कृतिक कथावस्तुमा निर्माण भएको फिल्ममा विजय लामा, दिया पुन, एवनराज उप्रेती, त्रिचन्द्र राई, रेश्मा घिमिरे, विशाल पहारी, कृष्णभक्त महर्जन, श्याम राई, पासाङ्ग शेर्पा, दिग्गज खत्री, सुस्मिता गिरी, आईशा तामाङ, सुरज खालिङलगायत कलाकारको अभिनय छ।
साई प्रोडक्सन नेपालको ब्यानरमा ह्याम्साएर एकाउन्टेनको सहकार्य बनेको फिल्मको विनोद सुवेदी क्षितिज निर्माता हुन्। सामाजिक र सांस्कृतिक कथावस्तुमा निर्माण भएको यो ‘मर्डर मिस्ट्रि’ फिल्म हो।
बाबु श्रेष्ठको छायांकन रहेको फिल्मको प्रोडक्सन डिजाइनर प्रेम खड्का हुन्।
