हलमा प्रदर्शन भइरहेको फिल्म 'प्रसाद २' को गीत सार्वजनिक भएको छ।
आइतबार ओएसआर डिजिटल युट्युब च्यानलमार्फत 'क्रान्ति' बोलको गीत सार्वजनिक गरिएको हो। सुवास थापाको प्रस्तुति रहेको फिल्मको गीतमा राजनराज सिवाकोटीको शब्द, संगीत र स्वर छ। यो गीतले विद्रोहको कुरा गर्छ।
राजेश श्रेष्ठले छायांकन गरेको गीतमा विक्रम स्वारको कोरियोग्राफी छ।
सुदर्शन थापाले निर्देशन गरेको फिल्ममा अभिनेता विपीन कार्की र अभिनेत्री केकी अधिकारी मुख्य भूमिकामा छन्। उनीहरूको बैवाहिक जीवनपछि जातीयताको कारण आउने समस्यालाई फिल्ममा देखाइएको छ।
विपिन र केकीसँगै फिल्ममा अर्पण थापा, कमलमणी नेपाल, महेश त्रिपाठीलगायत कलाकारको अभिनय छ। फिल्मको कथा सुशील पौडेलले तयार पारेका हुन्।
शुक्रबारदेखि प्रदर्शन भएको फिल्मले औसत व्यापार गरिरहेको छ। एसजी फिल्म्स सुलभ थापा प्रोडक्सनसँग सहकार्य गर्दै फिल्म निर्माण गरेको हो। ‘प्रसाद’ बक्स अफिसमा हिट भएको थियो।
