सुरज पाण्डे निर्देशित फिल्म 'परस्त्री' को फर्स्टलुक पोस्टर सार्वजनिक गरिएको छ।
फिल्मको सार्वजनिक ३ पोस्टरमा अभिनेत्री शिल्पा मास्केलाई स्थान दिइएको छ भने एक पोस्टरमा कोशिस क्षेत्री र गौरव विष्टलाई देख्न सकिन्छ। पाेस्टर डिजाइन रोयल भीमसेनले गरेका हुन्।
विवाहेत्तर सम्बन्धले निम्त्याउने पारिवारिक र सामाजिक संकटको कथावस्तुमा निर्माण भएको फिल्म काठमाडौं र मुस्ताङमा छायांकन गरिएको हो। निरज कँडेलले फिल्मको छायांकन गरेका हुन्।
फिल्ममा शिल्पा, कोशिस र गौरवसँगै अलिसा क्षेत्री, आशान्त शर्मालगायत कलाकारको अभिनय छ।
डिएस डिजिटलको ब्यानरमा निर्माण भएको फिल्ममा शर्मिला पाण्डे र दिपेन्द्र के खनालले निर्माणमा सहकार्य गरेका छन्। खनाल फिल्मका लेखकसमेत हुन्।
यो फिल्म नेपालीसँगै हिन्दीमा पनि रिलिज हुनेछ। हाल मुम्बईमा प्राविधिक काम भइरहेको निर्देशक पाण्डेले बताएका छन्।
यो फिल्म असार १५ गतेदेखि प्रदर्शन हुनेछ।
