अभिनेता दयाहाङ राई अभिनीत फिल्म 'नीरफूल' को ट्रेलर सार्वजनिक भएको छ।
शुक्रबार हाइलाइट्स नेपाल युट्युब च्यानलमार्फत फिल्मको ट्रेलर सार्वजनिक गरिएको हो। सार्वजनिक ट्रेलरमा भुकम्पपछि उद्धार गरेर काठमाडौं ल्याएकी एक बालिकालाई बेपत्ता पारिएको कथा समेटिएको छ।
फूलमान वलले निर्देशन गरेको फिल्ममा दयाहाङसँगै बुद्धि तामाङ, शान्ति वाइबा, जिग्मे छ्योकी, पुष्कर गुरुङ, राजन खतिवडा, सरोज अर्याल, सरिता गिरी, लक्ष्मी बर्देवा, मानस राज, रोशन फ्युबालगायत कलाकारको अभिनय छ। फिल्ममा अभिनेत्री रेखा थापा विशेष भूमिकामा छिन्।
धादिङको रुवीभ्याली, रसुवाको स्याफ्रुबेसी र काठमाडौंमा खिचिएको फिल्ममा अर्जुन पोखरेल र चन्द्रकुमार दोङको संगीत रहेको छ।
प्रमोद कार्कीले छायांकन गरेको फिल्मलाई निमेष श्रेष्ठले सम्पादन गरेका छन्।
सोनाम डोमा कार्यकारी निर्माता रहेको फिल्ममा माया केसी, दिपक श्रेष्ठ, चन्द्रमाया तामाङ, उदय लामा, रोज लामा, इन्द्र तामाङ, दिनेश लम्तरी मगर, अजितमान तामाङ, दिजेश श्रेष्ठ, तेन्जिन सोनाम लामा, गणेश थापा, अशोक थापा, विके श्रेष्ठ निर्माता छन्।
यो फिल्म जेठ २६ गतेदेखि प्रदर्शन हुनेछ।
1683893653.jpg)
