शुभेच्छा थापा निर्देशित छोटो फिल्म 'ओभर द मुन' को पोस्टर सार्वजनिक भएको छ।
मंगलबार सार्वजनिक गरिएको पोस्टरमा अभिनेता समीप निरौला र उमेश खड्कालाई प्रस्तुत गरिएको छ।
निर्देशक थापाले फिल्ममा समलिंगीको कथा देखाउने बताइन्। 'केटाकेटा र केटीकेटीले बिहे गर्न या माया गर्न चाहेमा समाज र घर-परिवारबाट कसरी अपहेलित हुनुपर्छ। छोराछोरीको इच्छालाई समर्थन नगरे के सम्म हुन्छ भन्ने कुरा फिल्ममा समेटिएको छ,' उनले भनिन्। फिल्मको कथा उमेश खड्काले तयार पारेका हुन्।
युबी मिडिया इन्टरटेनमेन्ट ब्यानरको फिल्ममा शुभेच्छा थापा, समीप निरौला, उमेश खड्का, बिम्ली सुशीला निरौला, रश्मी भट्ट, भगवान भण्डारी, सुरेश पुडासैनी, सहारा खड्का क्षेत्री, चन्द्र गुरुङ, रोशनी न्यौपाने, मन महर्जन, रेखा केसी, निकिशा श्रेष्ठ, भरत जिम्बा, गौरव हमाल, बिस्वल न्यौपाने, आकांक्षा गुरुङ र गोपाल ढुंगानालगायत कलाकारको अभिनय छ। फिल्ममा बाल कलाकारद्वय रक्षा दाहाल र रोहन भट्टराईको पनि अभिनय छ।
फिल्मलाई विनोद लामा र खुपेन्द्र ढुंगेलले छायांकन गरेको हुन्।
