दीपेन्द्र लामाको लेखन तथा निर्देशन रहेको फिल्म 'नांगो गाउँ' को छायांकन सकिएको छ।
३३ दिनमा फिल्मको छायांकन सकिएको निर्देशक लामाले सामाजिक सञ्जालमार्फत जानकारी दिएका छन्। फिल्मको छायांकन काभ्रेको बेथानचोकका विभिन्न स्थानमा गरिएको हो।
छायांकन सेटबाट निर्माण टिमले कलाकारको लुक्स पनि सार्वजनिक गरेका छन् जसमा दयाहाङ राईलाई नेताको अवतारमा देख्न सकिन्छ।
फिल्ममा दयाहाङसँगै मिरूना मगर, कार्म, साम्राज्ञी राज्यलक्ष्मी शाह, शिशिर वाङ्देल, बुद्धि तामाङ, रविन्द्र झा, विशाल पहाडी, अंकित खड्का, राज थापा, कमलमणि नेपाल, पुष्कर गुरुङ, शारदा गिरी, घनुभाइ जोशी, निमा पाण्डे, सविन बास्तोला, शंकर आचार्य, केशव राई इष्टु कार्की, ताण्डव, रामकाजी घिमिरेलगायत कलाकारको अभिनय छ।
मनिष्मा फिल्म्सको ब्यानरमा निर्माण भएको फिल्ममा हिमाल शर्माको लगानी छ। आलोक शुक्लाले छायांकन गरेको फिल्मलाई बनिष शाहले सम्पादन गर्नेछन्।
यो फिल्म भदौ २९ गतेदेखि प्रदर्शन हुनेछ।
