आज शुक्रबार फिल्म हलमा दुई नेपाली र एक विदेशी फिल्म प्रदर्शन भएका छन्।
नेपाली फिल्मतर्फ 'हुक्काः एन एब्सर्ड ड्रिम', 'टुल्की’' र हलिउड फिल्म 'द लिटल मर्मेड' प्रदर्शन भएका हुन्।
शम्भु थापा निर्देशित फिल्म 'हुक्का' मा प्रमिला खनाल, सन्तोषकुमार आत्रेय, प्रकाश घिमिरे, तेज गिरी, एलिशा विक, अशु न्यौपाने, निश्चल विमल, अर्जुन गोदाम, तलिशा गुरुङलगायतका कलाकारको अभिनय छ।
स्पाइनी ब्याब्लर क्रिएसनले ह्यासट्याग नेपालसँग सहकार्य गर्दै निर्माण गरेको हो। कृष्ण बहादुर थापाले छायांकन गरेको फिल्मलाई दीर्घ खड्काले सम्पादन गरेका छन्।
पार्वती थापा, सुशिला गुरुङ र सागर गोदार क्षेत्री निर्माता रहेको फिल्ममा कमलबहादुर भुजेल र किरणकुमार आत्रेय कार्यकारी निर्माता छन्।
बहुपति प्रथामा आधारित फिल्म ‘टुल्की’ मा शिशिर वाङ्देल, सोम लामा, स्वस्तिमा कार्की, सौजन सुब्बा, नरेन्द्र तामाङ, सोफिया लिम्बू, दीर्घ लामा, महेश लिम्बू, रत्नप्रसाद न्यौपाने, भक्तसिंह कठायतलगायत कलाकारको अभिनय रहेको छ। फिल्मको छायांकन र निर्देशन देवजंग थापाले गरेका हुन्।
फिल्म बहुपति प्रथामा मात्र सीमित नभई पश्चिम नेपालमा कुप्रथाको रूपमा व्याप्त छाउपडी प्रथालाई पनि उजागर गर्न खोजिएको निर्माण पक्षको भनाइ छ। तारा थापा किम्भेको सम्पादन रहेको चलचित्रमा मिक्सिङ दीप तुलाधरले गरेका छन्।
हलिउड फिल्म 'द लिटल मर्मेड' मा मेलिसा म्याकार्थी, हेले बेली, जोनाह ह्याभर किङ, सिमोन एशलेलगायत कलाकारको अभिनय छ। फिल्मलाई रोब मार्शलले निर्देशन गरेका हुन्।
'हुक्काः एन एब्सर्ड ड्रिम' को ट्रेलर :
'टुल्की' को ट्रेलर :
'द लिटल मर्मेड' काे ट्रेलर :
