प्रदीप शाही निर्देशित फिल्म 'अन्तिम संस्कार' को ट्रेलर सार्वजनिक गरिएको छ।
बुधबार ओएसआर डिजिटल युट्युब च्यानलमार्फत फिल्मको ट्रेलर सार्वजनिक गरिएको हो। सार्वजनिक ट्रेलरमा एक रहस्यमय हत्याको अनुसन्धान प्रक्रियालाई देखाइएको छ। यो 'मर्डर मिस्ट्री' फिल्म हो।
सामाजिक तथा सांस्कृतिक कथावस्तुमा निर्माण भएको फिल्ममा विजय लामा, दिया पुन, एवनराज उप्रेती, त्रिचन्द्र राई, रेश्मा घिमिरे, विशाल पहारी, कृष्णभक्त महर्जन, श्याम राई, पासाङ्ग शेर्पा, दिग्गज खत्री, सुस्मिता गिरी, आईशा तामाङ, सुरज खालिङलगायत कलाकारको अभिनय छ।
साई प्रोडक्सन नेपालको ब्यानरमा ह्याम्साएर एकाउन्टेनको सहकार्य बनेको फिल्मको विनोद सुवेदी क्षितिज र नविनकुमार शाही निर्माता हुन्।
बाबु श्रेष्ठको छायांकन गरेको फिल्मलाई रूपेश गुरुङले सम्पादन गरेका छन्। यो फिल्म असार ८ गतेदेखि प्रदर्शन हुनेछ।
