अख्तियार दुरूपयोग अनुसन्धान आयोगका आयुक्त तथा पूर्व एआइजी जयबहादुर चन्दको नयाँ गीत सार्वजनिक भएको छ।
बिहीबार आरटी इन्टरटेनमेन्ट युट्युब च्यानलमार्फत चन्दले लेखेको 'मैनाचरी' बोलको गीत सार्वजनिक गरिएको हो। राष्ट्रिय भावको गीतमा मेलिना राईको स्वर छ।
बसन्त सापकोटाले संगीत भरेको गीतमा महाराज थापाले संगीत संयोजन गरेका छन्। कविराज गहतराजले कोरियोग्राफी गरेको म्युजिक भिडिओमा अभिनेत्री प्रियंका कार्कीले नृत्य गरेकी छन्।
सुदिप बरालले खिचेको भिडिओलाई ओम खड्काले सम्पादन गरेका छन्। यो म्युजिक भिडिओलाई सरोज ओलीले निर्देशन गरेका हुन्।
'यो राष्ट्रिय भावको गीत हो। यसले आम दर्शक स्रोतमा राष्ट्रिय भाव जागृत गराउँछ भन्ने मेरो अपेक्षा छ,' गीतकार चन्दले भने।
यसअघि चन्दले ट्राफिक सम्बन्धि जनचेतना जगाउने 'सेतो टोपी' बोलको गीत चर्चित भएको थियो।
