गायक सन्दीप न्यौपाने र सहिमा श्रेष्ठको स्वरमा 'पान पाते ओठ' बोलको गीत सार्वजनिक भएको छ।
सोमबार गायक न्यौपानेले आफ्नै युट्युब च्यानलमार्फत गीतको भिडिओ सार्वजनिक गरेका हुन्। शेर साउदको शब्द तथा संगीत रहेको गीतमा एचबिएन किस्मतको एरेन्ज, मिक्सिङ र मास्टरिङ छ।
शेर साउद निर्देशित भिडिओमा सन्दीप न्यौपाने, निक्स शर्मा, बद्रीप्रसाद तिवारी, शेर साउद र भावना गुरुङ फिचर्ड छन्।
नवराज उप्रेतीले छायांकन गरेको म्युजिक भिडिओलाई नविन उप्रेतीले सम्पादन गरेका हुन्।
गायक सन्दीपको यसअघि 'लालुमै', सान्नानी', 'दिलमाया' लगायतका गीत चर्चित भएका थिए। नयाँ गीत ‘पान पाते ओठ’ बाट गायक न्यौपाने आशावादी छन्।
