आज शुक्रबार हलमा दुई नेपाली र एक विदेशी फिल्म प्रदर्शनमा आएका छन्।
नेपाली फिल्मतर्फ 'नीरफूल', 'वेलकम टु हेम्जाकोट' र हलिउड फिल्म 'ट्रान्सफर्मरः राइज अफ द बिस्ट' प्रदर्शनमा आएका हुन्।
फूलमान वलले निर्देशन गरेको फिल्म 'नीरफूल' मा दयाहाङ राई, बुद्धि तामाङ, शान्ति वाइबा, जिग्मे छ्योकी, पुष्कर गुरुङ, राजन खतिवडा, सरोज अर्याल, सरिता गिरी, लक्ष्मी बर्देवा, मानस राज, रोशन फ्युबालगायत कलाकारको अभिनय छ। फिल्ममा अभिनेत्री रेखा थापा विशेष भूमिकामा छिन्।
फिल्ममा भुकम्पपछि उद्धार गरेर काठमाडौं ल्याएकी एक बालिकालाई बेपत्ता पारिएको कथा समेटिएको छ।
सोनाम डोमा कार्यकारी निर्माता रहेको फिल्ममा माया केसी, दिपक श्रेष्ठ, चन्द्रमाया तामाङ, उदय लामा, रोज लामा, इन्द्र तामाङ, दिनेश लम्तरी मगर, अजितमान तामाङ, दिजेश श्रेष्ठ, तेन्जिन सोनाम लामा, गणेश थापा, अशोक थापा, विके श्रेष्ठ निर्माता छन्।
सरोज पौडेलले निर्देशन गरेको फिल्म 'वेलकम टु हेम्जाकोट' मा बुद्धि तामाङ, विनोद न्यौपाने, दिनेश खड्का, प्रदिप ढकाल, सन्दिप सिग्देल, अम्बिका तामाङ, सुजाइरा कार्की, विशाल पहारी, रवि गिरी, लक्ष्मीनाथ तिमल्सीना, रश्मी भट्ट, अस्मिता पन्त, शारदा गिरी, बलदिव राई, प्रेविल कंडेल, स्व.जयनन्द लामालगायत कलाकारको अभिनय छ। फिल्मको कथा निर्देशक पौडेलले तयार पारेका हुन्।
फिल्ममा वैदेशिक रोजगारी, अन्तरजातिय प्रेममा आउने उतारचढाव र बेरोजगारीले निम्त्याउने समस्यालाई देखाइएको छ।
हलिउड फिल्म 'ट्रान्सफर्मरः राइज अफ द बिस्ट' मा एन्थोनी रामोस, डोमिनिक फिशब्याक, डोमेनिक डि रोजा, मिशेल योह, रोन पर्लम्यान, पिटर डिंकलेजको अभिनय छ।
एक्सन र एड्भेन्चर जनराको फिल्मलाई स्टिवन क्यापल जुनियरले निर्देशन गरेका हुन्।
‘नीरफूल’ को ट्रेलर:
‘वेलकम टु हेम्जाकोट’ को ट्रेलर:
‘ट्रान्सफर्मरः राइज अफ द बिस्ट’ को ट्रेलर:
