शोभित बस्नेत निर्देशित फिल्म 'बद्री बहादुर' को पोस्टर सार्वजनिक गरिएको छ।
शुक्रबार निर्माण टिमले फिल्मको दुई पोस्टर सार्वजनिक गरेका हुन्। सार्वजनिक पोस्टरमा फिल्मका मुख्य कलाकारलाई समेटिएको छ।
फिल्ममा जयकिशन बस्नेत, छुल्ठिम गुरुङ, राजीवजंग बस्नेत, धिरेन शाक्य, शोभित बस्नेत, उत्तम केसी, लय संग्रौला, एलिना गुरुङलगायत कलाकारको अभिनय छ। फिल्ममा सलोन बस्नेत र पूजा शर्मा विशेष भूमिकामा देखिनेछन्। फिल्मको कथा रामकाजी घिमिरेले तयार पारेका हुन्।
समीर मिया सह-निर्माता रहेको फिल्ममा सञ्चारकर्मी रवि अधिकारी कार्यकारी निर्माता रहेका छन्।
विनोद सापकोटाले छायांकन गरेको फिल्मलाई बन्दे प्रसादले सम्पादन गरेका छन्।
एबी पिक्चर्स फार्म र सलोन सलीना फिल्म्सको ब्यानरमा निर्माण भएको फिल्म काठमाडौं, लमजुङ, धरान र संखुवासभामा छायांकन गरिएको छ।
विजय गोपाली दली प्रस्तुतकर्ता रहेको फिल्ममा मिथुन भोटे निर्माता छन्। फिल्मलाई आरआर फिल्म्सले वितरण गर्दैछ।
यो फिल्म असार २९ गतेदेखि प्रदर्शन हुनेछ।
