सांगीतिक जोडी अर्जुन पोखरेल र दुर्गा खरेल आमा-बुवा बनेका छन्।
सोमबार धापासीस्थित ग्राण्डी अस्पतालमा दुर्गाले छोरीलाई जन्म दिएकी हुन्। संगीतकार अर्जुन पोखरेलले फेसबुकमा स्टाटस लेख्दै उक्त जानकारी दिएका हुन्। उनीहरूले छोरीको नाम अदिरा जुराएका छन्।
'आज इन्टरनेसनल फादर्स डेको दिन मैले बुवा बन्ने सुनौलो अवसर प्राप्त गरें। यो अवसरको लागि मेरी प्यारी जीवनसंगिनी दुर्गा खरेललाई धन्यवाद। मामु बनेकोमा बधाई दिन चाहन्छु। हाम्री प्यारी छोरी (अदिरा) लाई यो संसारमा स्वागत गर्न पाउँदा धेरै खुसी लागेको छ,' उनले लेखेका छन्।
उनले शल्यक्रिया गर्ने चिकित्सकलाई धन्यवाद दिएका छन्।
अर्जुन पोखरेल पछिल्लो समयका चर्चित संगीतकार हुन्। उनले 'नबोली नबोली, जिन्दगी नै भन्दिनँ, तिम्रो घरको वरिपरि, म यस्तो गीत गाउँछु' लगायत थुप्रै चर्चित गीतमा संगीत भरेका छन्।
गायिका दुर्गा खरेलले 'काले केटा, धर्ति आकाश, नथिया, घरमा कुरा' लगायत गीतमा स्वर दिएकी छन्।
