फ्राइडे रिलिजअन्तर्गत प्रदीप शाही निर्देशित फिल्म 'अन्तिम संस्कार' प्रदर्शनमा आएको छ। शुक्रबार अन्य कुनै पनि फिल्म प्रदर्शन नहुँदा यसले सोलो रिलिजको अवसर पाएको छ।
यो 'मर्डर मिस्ट्री' फिल्म हो। फिल्ममा एक रहस्यमय हत्याको अनुसन्धान प्रक्रियालाई देखाइएको छ।
सामाजिक तथा सांस्कृतिक कथावस्तुमा निर्माण भएको फिल्ममा विजय लामा, दिया पुन, एवनराज उप्रेती, त्रिचन्द्र राई, रेश्मा घिमिरे, विशाल पहारी, कृष्णभक्त महर्जन, श्याम राई, पासाङ्ग शेर्पा, दिग्गज खत्री, सुस्मिता गिरी, आईशा तामाङ, सुरज खालिङलगायत कलाकारको अभिनय छ।
साई प्रोडक्सन नेपालको ब्यानरमा ह्याम्साएर एकाउन्टेनको सहकार्य बनेको फिल्मको विनोद सुवेदी क्षितिज र नविनकुमार शाही निर्माता हुन्।
बाबु श्रेष्ठको छायांकन गरेको फिल्मलाई रूपेश गुरुङले सम्पादन गरेका छन्।
