यम शेर्पाको निर्देशनमा बन्ने फिल्म 'कार्साङ' मा अभिनेता बुद्धि तामाङ अनुबन्धित भएका छन्।
यसअघि फिल्ममा दयाहाङ राई अनुबन्धित भइसकेका छन्। यो फिल्म यार्सा फिल्म्सको ब्यानरमा निर्माण हुन लागेको हो।
पुरुषोत्तम प्रधानको छायांकन रहने फिल्ममा उनी निर्माताका रूपमा पनि जोडिएका छन्। फिल्मको छायांकन बाह्रबिसे नगरपालिका र बाँकी भोटेकोसी गाउँपालिकामा हुने निर्माण पक्षले जनाएको छ।
सामाजिक कथामा बन्ने फिल्ममा अन्य कलाकार तथा प्राविधिक चाँडै फाइनल गरिने निर्देशक शेर्पाले बताए। यो फिल्मको छायांकन तिहारपछि गरिनेछ।
निर्देशक शेर्पाको यो डेब्यू निर्देशकीय फिल्म हो। यसअघि उनले थुप्रै छोटा फिल्म निर्देशन गरिसकेका छन्।
