आर्टमान्डुको नयाँ म्युजिकल फिल्म 'पाहुना हजुर' सार्वजनिक भएको छ।
लिम्बु समुदायको विवाहको प्रक्रियामाथि बनेको गीतमा आशिश महर र सुनिता थेगिमको स्वर रहेको छ। गीतमा पालम दीपा सुहाङले गाएकी छन्।
नवीन चौहान र आशिश महरको शब्द रहेको गीतमा आशिशले संगीत भरेका छन्। गीतमा बिहेको समय पाहुनाका रूपमा जाने सोल्टिनीसँगको प्रेमप्रसंगलाई प्रस्तुत गरिएको छ।
नवीन चौहानले निर्देशक गरेको गीतको भिडिओमा अनिल सुब्बा, सनाया लिम्बु र विकाश चेम्जोङको अभिनय छ।
योगेश दाहालले छायांकन गरेको म्युजिक भिडिओलाई कृष्ण भण्डारीले सम्पादन गरेका छन्।
‘गतवर्ष मण्डला थिएटरमा मञ्चन भएको नाटक ‘चोरको स्वर’ को आधारित रहेर यो म्युजिकल फिल्म तयार पारेका हौं,’ निर्देशक चौहानले भने।
आर्टमान्डुले यसअघि ‘फूलथुंगे रानी’, ‘घुमीघुमी’, ‘तीनपाते’, ‘के माया लाग्छ र’ जस्ता थुप्रै म्युजिकल फिल्म सार्वजनिक गरेको छ।
