बलिउड अभिनेता राजकुमार राव र श्रद्धा कपूरले फिल्म 'स्त्री २' को छायांकन सुरू गरेका छन्।
सन् २०१८ मा प्रदर्शन भएको फिल्म 'स्त्री' लाई दर्शकले रूचाएका थिए। केही दिनअघि 'स्त्री २' को निर्माण घोषणा गरिएको थियो। यसैबीच फिल्मका मुख्य कलाकार श्रद्धा कपूर र राजकुमार रावले फिल्म सेटबाट एक तस्बिर सार्वजनिक गरेका छन्।
सोमबार राजकुमारले आफ्नो इन्स्टाग्राममा श्रद्धासँगको तस्बिर सार्वजनिक गर्दै लेखेका छन्, 'स्त्री र पुरुषको फेरि भेट भएपछि के होला?'
अमर कोशिशले निर्देशन गरिरहेको फिल्ममा राजकुमार र श्रद्धासँगै पंकज त्रिपाठी र अभिषेक बनर्जीको मुख्य भूमिका रहनेछ।
यो फिल्म सन् २०२४ अगस्त ३१ मा प्रदर्शन हुनेछ।
फिल्म 'स्त्री' मा एक अदृश्य युवतीसँग गाउँलेहरू डराउने कथा देखाइएको थियो। फिल्मको दोस्राे भागमा अदृश्य युवतीको रहस्य खुल्ने बताइएको छ।
