लिम्बू संस्कृतिमा बनेको फिल्म 'लुङा' को ट्रेलर सार्वजनिक भएको छ।
आइतबार ओएसआर डिजिटल युट्युब च्यानलमार्फत फिल्मको ट्रेलर सार्वजनिक गरिएको हो। सार्वजनिक ट्रेलरमा माया प्रेमसँगै सामाजिक कथालाई देखाइएको छ।
किरण राईले निर्देशन गरेको फिल्ममा बुद्धि तामाङ, भुवन सिंह राई, सारा लोहोरूङ राई, प्रकाश दाहाल, अनुप लिंगिम, सुदिप जंग कार्की, गंगा बहादुर राई, सम्झना लिम्बू, रमेश बुढाथोकी, निशान लुइँटेल, स्मृति पोखरेल, सलिना गुरुङलगायत कलाकारको अभिनय छ।
ज्योतिराज राईको लगानी रहेको फिल्ममा सञ्जिव राई, प्रयास घिमिरे कार्यकारी निर्माता र शान्ता पौडेल, मनिषा पाठक, मेनुका घिमिरे, कैलाश राई, टि आर साम्सोहाङ सह-निर्माता रहेका छन्।
भुमिसा प्रोडक्सनसँग इस्टन मिडियाको सहकार्य रहेको फिल्मलाई किरण राईले छायांकन तथा सम्पादन गरेका हुन्। फिल्मलाई काठमाडौंमा जिजिए ग्रूप र काठमाडौं बाहिर एफडी कम्पनीले वितरणको जिम्मा दिएको छ।
यो फिल्म साउन ५ गतेदेखि प्रदर्शन हुँदैछ।
