अभिनेता प्रमोद अग्रहरी र रिस्ता बस्नेत अभिनीत फिल्म 'अदृश्य' को पहिलो गीत सार्वजनिक भएको छ।
मंगलबार डिएआर मुभिज युट्युब च्यानलमार्फत फिल्ममा समावेशी 'एक चोटी' बोलको गीत सार्वजनिक गरिएको हो। सार्वजनिक गीतमा प्रमोद र रिस्ताको नृत्य देख्न सकिन्छ।
विशाल पौडेल र सीमा संग्रौलाको स्वर रहेको गीतमा शब्द तथा संगीत विशाल पौडेलको छ।
प्रल्हाद काफ्ले डेब्यू निर्देशित फिल्ममा प्रमोद र रिस्तासँगै सोहित मानन्धर, प्रविन खतिवडा, छुल्ठिम गुरुङ, रवी गिरी, सिएम भारद्धाज सुवेदी, विकेश प्रजापती, गीत विष्ट, सुरज विष्ट, जसिता घिमिरे, सन्दीप बाबु लोहनी, रुपेश दाहाल, सुजन बज्राचार्य, अजित रेग्मी, रुपेश थापा, प्रतिक भुजेल, अभिमान सिंह बस्नेतलगायत कलाकारको अभिनय छ।
मिना बस्नेत र उमारुद्रा काफ्लेको लगानी रहेको फिल्ममा रविन अधिकारी र रिकेश खत्री सह-निर्माता छन्।
पिताम्बर फिल्म्सको प्रस्तुतीमा निर्माण भएको फिल्ममा राकेश रनपालको कथा, आकाश उखेडाको पटकथा तथा संवाद, उत्तम हुमागाईं र मोहन कुमार झिल्लुको छायांकन, विशाल पौडेलको संगीत, शिशिर खातीको कोरियोग्राफी, मुकेश शाहको पाश्र्व संगीत, बनिश शाहको सम्पादन छ। फिल्मलाई आरआर फिल्म्सले वितरण गर्दैछ।
यो फिल्म साउन १९ गतेदेखि प्रदर्शन हुँदैछ।
