शोभित बस्नेत प्रस्तुतीकर्ता रहेको फिल्म 'जय हो' पहिलो गीत सार्वजनिक गरिएको छ ।
सोमबार काठमाडौंमा एक कार्यक्रम आयोजना गर्दै फिल्ममा समावेश 'जोमसोमको डाँडैमा हिँउ खेल्न जाने की' बोलको गीत सार्वजनिक गरिएको हो। सार्वजनिक गीतको भिडिओमा अर्पण थापा, सलोन बस्नेत, केकी अधिकारी, निशा अधिकारी र माओत्से गुरुङ फिचर्ड छन्।
शम्भुजित बास्कोटाको शब्द र संगीत रहेको गीतमा सुरेश लामा र अस्मिता अधिकारीले स्वर दिएका छन्। गीतलाई कविराज गहतराजले कोरियोग्राफी गरेका हुन्।
टेक पौरखी राईले निर्देशन गरेको फिल्ममा अर्पण थापा, सलोन बस्नेत, केकी अधिकारी, निशा अधिकारी, माओत्से गुरुङ, प्रेम पाण्डे, दिपा शाक्य श्रेष्ठ, सुबि मगर, सुमिन गुरुङ, सुशान्त श्रेष्ठलगायत कलाकारको अभिनय छ।
सम्राट बस्नेत द्धन्द्व निर्देशन, बनिष शाहको सम्पादन, समीर मियाँको भिएफएक्स र केबलमान सिंह बस्नेत प्रोडक्सन डिजाइनर रहेको फिल्मका मुख्य सहायक निर्देशक दिप्तप्रकाश अधिकारी हुन्।
राज के अधिकारी र सुरज सरकारको लगानी रहेको फिल्ममा सुरेश न्यौपानेको कथा लेखन, सौरभ लामाको छायांकन, शम्भुजित बाँस्कोटा र सागर आले मगरको संगीत छ।
सलोन सलिना फिल्म्सको ब्यानरमा निर्माण भएको फिल्मलाई जिजिए ग्रूपले वितरण गर्दैछ।
यो फिल्म भदौ ८ गतेदेखि प्रदर्शन हुनेछ।
