आज शुक्रबार नेपाली फिल्म हलमा दुई विदेशी फिल्म प्रदर्शनमा आएका छन्।
कुनै पनि नेपाली फिल्म प्रदर्शन नहुँदा बलिउड फिल्म 'रकी और रानीकी प्रेम कहानी' र अष्ट्रेलियाको फिल्म 'टक टु मि' प्रदर्शनमा आएका हुन्।
बलिउड अभिनेता रणवीर सिंह र आलिया भट्ट अभिनीत फिल्म 'रकी और रानीकी प्रेम कहानी' मा रणवीरलाई सामान्य परिवार छोरा र आलियालाई राज परिवारकी छोरीको रूपमा प्रस्तुत गरिएको छ। फिल्ममा रकी र रानीको प्रेम जीवनमा आउने उतार-चढाबलाई देखाइनेछ।
करण जोहरले निर्देशन गरेको फिल्ममा रणवीर र आलियासँगै धर्मेन्द्र, जया बच्चन र शबाना आजमीको मुख्य भूमिका छ। यस फिल्ममार्फत करणले ७ वर्षपछि निर्देशनमा कमब्याक गरेका हुन्।
हिरोयश जोहर, करण जोहर र अपूर्भा मेहताको लगानी रहेको फिल्मको कथा इशिता मौत्रा, शशांक खेतान र सुमित रायले मिलेर लेखेका हुन्।
फिल्म 'टक टु मि' मा सोफी वाइल्ड, जो बर्ड, अलेक्जेन्ड्रा जेन्सेन, ओटिस धनजीलगायत कलाकारको अभिनय छ। फिल्मलाई डेनी फिलिप र माइकल फिलिपले निर्देशन गरेका हुन्।
यो हरर थ्रिलर जनराको फिल्म हो।
यतिबेला हलमा 'जारी, बगान, मिसन इम्पोसिबलः डेड रेकोनिङ पार्ट वान, बार्बी, ओपेनहाइमर' फिल्म प्रदर्शन भइरहेको छ।
'रकी और रानीकी प्रेम कहानी' को ट्रेलर- '
'टक टु मि' को ट्रेलर-
