'ऊ मिल्छे मेरो जिउमा ठीक्क चिटिक्क
उसलाई नदुखाइ लुगाझैं लगाउँछु म
म अघाएपछि मात्रै निदाउँछे ऊ
ऊ निदाएपछि मात्रै अघाउँछु म...'
यो अन्तरा नवराज पराजुलीको नयाँ गीत 'लाटोकोसेरो' को हो। शुक्रबार पराजुलीले आफ्नो आधिकारिक युट्युब च्यानलमार्फत यो गीत रिलिज गरेका हुन्।
नवराज पराजुलीको शब्द, स्वर र संगीत रहेको गीतमा भावना उप्रेती र नवराज पराजुलीको अभिनय छ।
संगीत संयोजन उज्ज्वल सागरले गरेका छन्। त्यस्तै कर्ण गुरूङ, खड्क गज्प्रा र विशाल कार्कीले यो गीतको भिडिओ प्रस्तुत गरेका हुन्।
'लाटोकोसेरो' को भिडिओ निर्माण रैला प्रोडक्सनले गरेको हो।
