यम शेर्पाको निर्देशनमा बन्ने फिल्म 'कार्साङ' मा अभिनेत्री सुरक्षा पन्त अनुबन्धित भएकी छन्।
यार्सा फिल्म्सको ब्यानरमा निर्माण हुन लागेको फिल्ममा मुख्य अभिनेताका रूपमा दयाहाङ राई, बुद्धि तामाङ अनुबन्धित भइसकेका छन्। यस्तै नवअभिनेत्री छिरिङ शेर्पा अनुबन्धित भइसकेकी छन्।
पुरुषोत्तम प्रधानको छायांकन रहने फिल्ममा उनी निर्माताका रूपमा पनि जोडिएका छन्। फिल्मको छायांकन बाह्रबिसे नगरपालिका र बाँकी भोटेकोसी गाउँपालिकामा हुने निर्माण पक्षले जनाएको छ।
शेर्पा जातिको सामाजिक कथावस्तुमा निर्माण हुन लागेको फिल्मको छायांकन तिहारपछि गरिने बताइएको छ।
निर्देशक शेर्पाको यो डेब्यू निर्देशकीय फिल्म हो। यसअघि उनले थुप्रै सर्ट फिल्मको निर्देशन गरिसकेका छन्।
यो फिल्मको ओभरसिज राइट्स बिक्री भइसकेको छ। फिल्मलाई अन्तर्राष्ट्रिय बजारमा सेभेन सिज इन्टरटेनमेन्ट कम्पनीले रिलिज गर्ने भएको हो। फिल्मको देशभर वितरणको जिम्मेवारी आरआर फिल्म्सले लिएको छ।
1680516456.jpg)
