कृषा चौलागाईंले निर्देशन गरेको फिल्म 'ऐंचो पैंचो' को ट्रेलर सार्वजनिक भएको छ।
सोमबार ओएसआर डिजिटल युट्युब च्यानलमार्फत फिल्मको ट्रेलर सार्वजनिक गरिएको हो। सार्वजनिक ट्रेलरमा चुनावी माहोल देखाइएको छ।
फिल्ममा स्वस्तिमा खड्का, मुकुन भुषाल, वर्षा राउत, कोसिस क्षेत्री, सुशील सिटौला, राजाराम पौडेल, बुद्धि तामाङ, विशाल पहारी, रमेश बुढाथोकी, सरिता गिरी, रविन्द्र झालगायत कलाकारको अभिनय छ।
पुरुषोत्तम प्रधानले छायांकन गरेको फिल्मलाई विपिन मल्ल र भुपेन्द्र अधिकारीले सम्पादन गरेका छन्।
कृषाको यो डेब्यू निर्देशित फिल्म हो। उनले यसअघि 'इन्साफ, कसम हजुरको, के म तिम्रो साथी बन्न सक्छु र पलाँस' जस्ता फिल्म निर्माण गरेकी थिइन्।
यो फिल्म भदौ १४ गतेदेखि प्रदर्शन हुनेछ।
