भारतीय गायक अरिजीत सिंह पहिलो पटक नेपाल आउने भएका छन्।
उनी आफ्नो प्रस्तुति दिन नेपालमा आउन लागेका हुन्। आयोजक ग्यारेज इन्टरटेनमेन्ट र एमएन प्रोडक्सनका अनुसार 'अरिजीत सिंह लाइभ इन नेपाल' मसिंर ९ गते शनिबार हायातमा हुनेछ।
भारतीय पार्श्व गायकका रूपमा परिचित अरिजीत सिंहले 'तुम हि हो, केसरिया तेरा, झुमे जो पठान, खैरियत, अपना बना ले' जस्ता थुप्रै चर्चित गीतमा आवाज दिएका छन्।
यस कन्सर्टको साधारण टिकट मूल्य ४ हजारबाट सुरू हुनेछ। थप सुविधासहित अरू टिकट दरहरू समेत उपलब्ध हुने आयोजकले जनाएको छ।
साउन ३० गतेदेखि बिक्री खुला हुने टिकट खल्ति डिजिटल वालेटबाट मात्रै खरिद गर्न सकिने छ।
यस कार्यक्रमले नेपालको मनोरञ्जन क्षेत्रमा योगदान गर्ने आयोजकको विश्वास छ।
