अभिनेता तथा निर्माता हसनराजा खानले फिल्म 'प्रस्थान' बनाउने भएका छन्। उनले वैदेशिक रोजगारीको कथामा फिल्म बनाउन लागेका हुन्।
अमेरिकामा आयोजना भएको 'छैटौं ग्लोबल नेपाली फिल्म अवार्ड' कार्यक्रममा उनले फिल्म 'प्रस्थान' बनाउने घोषणा गरेका हुन्। उक्त अवार्ड समारोहमा पुरस्कार वितरण गर्न पुगेका हसनले फिल्म 'रोमियो' पछि 'प्रस्थान' को काम अगाडि बढाएको बताए।
यो फिल्मको छायांकन दुबई र नेपालमा हुनेछ। यो फिल्म ३ करोड लगानीमा बन्नेछ। निर्देशक हसनका अनुसार फिल्मलाई हिन्दी भाषामा समेत डब गर्ने तयारी गरिएको छ।
हसनले यसअघि अभिनेता आर्यन सिग्देललाई लिएर फिल्म 'अलबिदा' निर्माण गरेका थिए। उनले फिल्म 'रोमियो' मा निर्माणसँगै अभिनय गरेका थिए।
