आज शुक्रबार हलमा दुई नेपाली फिल्म र तीन विदेशी फिल्म प्रदर्शनमा आएका छन्।
नेपाली फिल्मतर्फ गणेश देव पाण्डे निर्देशित फिल्म 'जुलेबी' र मिलन आलेमगर निर्देशित फिल्म 'हिँड्दा हिँड्दै' प्रदर्शनमा आएका हुन् भने विदेशी फिल्मतर्फ बलिउड फिल्म 'घूमर', हलिउड फिल्म 'ब्लू बिटल' र 'हन्टिङ अफ द क्वीन म्यारी' प्रदर्शनमा आएका हुन्।
एथोलजी विधामा रहेको फिल्म 'जुलेबी' मा सुरक्षा पन्त, उषा रजक, निशा अधिकारी, मोनिका थापा, सुशील सिटौला, पुष्कर कार्की, तुफान थापालगायत कलाकारको अभिनय छ। फिल्मको कथा निर्देशक पाण्डेले लेखेका हुन्।
फोर क्युब इन्टरटेन्मेन्टको ब्यानरको फिल्मलाई आभा शर्मा नेपालले निर्माण गरेकी हुन्। फिल्मको कार्यकारी निर्माता नविन भट्ट छन्।
विवेक खड्काले छायांकन गरेको फिल्मलाई अजय खड्काले सम्पादन गरेका छन्।
सुशिल पंगेनीको लेखन तथा निर्माण रहेको फिल्म 'हिँड्दा हिँड्दै' मा आकाश श्रेष्ठ, रेखा शाह, सलोन बस्नेत, सानिया खान, बिमल श्रेष्ठ, विशाल श्रेष्ठ, विकास थापामगर, ममता पौडेल, बालकलाकार अर्विन थिङलगायत कलाकारको अभिनय छ। यो रेखा शाहको डेब्यू फिल्म हो।
नारायण सुशिल पंगेनी इन्टरटेन्मेन्ट र बिमल श्रेष्ठको प्रस्तुति रहेको फिल्मको निर्मातामा राज लामा छन्। प्रमोदकुमार तामाङ र महादेव साह सह-निर्माता रहेको फिल्मको छायांकन सुमनकुमार तन्डुकारले गरेका हुन्।
आर बाल्की निर्देशित फिल्म 'घूमर' मा अभिषेक बच्चन, सावना आज्मी, सैयामी खेर, अंगद बेदीलगायतको अभिनय छ।
हरर फिल्म 'हन्टिङ अफ द क्वीन म्यारी' मा एलिस इभ, टिम डाउनी र जोएल फ्राईको मुख्य भूमिका छ। फिल्मलाई ग्यारी शोरले निर्देशन गरेका हुन्।
एक्सन फिल्म 'ब्लू बिटल' मा सुसन सारान्डन, राउल म्याक्स ट्रुजिलो, एड्रियाना बाराजालगायत कलाकारको अभिनय छ। फिल्मलाई एन्जल म्यानुअल सोटोले निर्देशन गरेका हुन्।
'जुलेबी' को ट्रेलरः
'हिँड्दा हिँड्दै' को ट्रेलरः
'घूमर' को ट्रेलरः
'हन्टिङ अफ द क्वीन म्यारी' को ट्रेलरः
'ब्लू बिटल' को ट्रेलरः
