राजु गिरी र सरोज खनालको निर्देशनमा फिल्म 'लाइटर' बन्ने भएको छ।
सोमबार निर्माण टिमले एक थिम पोस्टर सार्वजनिक गर्दै फिल्मको औपचारिक निर्माण घोषणा गरेका हुन्।
खनाल एसके प्रोडक्सनको ब्यानरमा निर्माण हुने मंसिर दोस्रो साताबाट छायांकनमा जानेछ। फिल्मका लागि अहिले कलाकार छनौटको काम भइरहेको छ। केही दिनमा फिल्मको मुख्य कलाकार र प्राविधिक टिम सार्वजनिक गर्ने निर्माण टिमले बताएका छन्।
निर्माता सरोज खनालले यसै फिल्मबाट निर्देशनमा डेब्यू गर्न लागेका हुन्। अष्ट्रेलियामा बस्ने खनालले त्यहाँ एक दशक लामो समयदेखि एसके फ्रेस प्रालीको सञ्चालन गर्दै आएका छन्।
देवेन्द्र खनाल निर्माता रहेको फिल्ममा मेघनाथ खनाल, बलराम विष्ट, रचना केसी, सुमन गिरी, विजय विराज खत्री, तुलसा खनाल र रेमन्त वली सह-निर्माताको रूपमा रहेका छन्।
