रेखा थापाको निर्माण तथा अभिनय रहने फिल्म 'उपहार' को शुभ मुहूर्त गरिएको छ।
बिहीबार पशुपतिनाथ मन्दिरमा फिल्मको शुभ मुहूर्त गरिएको हो। फिल्मका निर्देशक ज्ञानेन्द्र देउजाका अनुसार लगातार पानी परेकाले फिल्मको छायांकन सोमबारदेखि सुरू हुनेछ।
रेखा फिल्म्स र कपनगढी ब्यानरले संयुक्त रूपमा निर्माण गर्न लागेको फिल्ममा रेखा थापा, बेनिशा हमाल, पूजा शर्मा, मुकुन भुषाल, तेज गिरी, समर्पणजंग कार्की, शिशिर राना, अंशु थापालगायत कलाकारको अभिनय रहनेछ। यस वर्षको मिस्टर नेपाल उपाधि जितेका समर्पणजंग कार्की 'उपहार' बाट फिल्ममा डेब्यू गर्दैछन्।
विष्ण कल्पितले छायांकन गर्ने फिल्मलाई मित्रदेव गुरुङले सम्पादन गर्नेछन्।
सामाजिक कथामा बन्ने फिल्म यसैवर्ष प्रदर्शन गर्ने निर्माण टिमको तयारी छ।
