आज शुक्रबार हलमा दुई नेपाली फिल्म र दुई विदेशी फिल्म प्रदर्शनमा आएका छन्।
नेपाली फिल्मतर्फ 'जय हो' र 'महानगर' प्रदर्शनमा आएका छन् भने विदेशी फिल्मतर्फ बलिउड 'ड्रिम गर्ल २' र हलिउड फिल्म 'ग्रान टुरिस्मो' प्रदर्शनमा आएका हुन्।
त्यस्तै शनिबारदेखि बलिउड फिल्म 'अकेल्ली' र हलिउड फिल्म 'रिट्रिब्युसन' प्रदर्शनमा आउनेछन्।
टेक पौरखी राईले निर्देशन गरेको फिल्म 'जय हो' मा अर्पण थापा, सलोन बस्नेत, केकी अधिकारी, निशा अधिकारी, माओत्से गुरुङ, प्रेम पाण्डे, दिपा शाक्य श्रेष्ठ, सुबि मगर, सुमिन गुरुङ, सुशान्त श्रेष्ठलगायत कलाकारको अभिनय छ। सलोन सलिना फिल्म्स ब्यानरबाट निर्माण गरिएको फिल्ममा राज के अधिकारी र सुरज सरकारको लगानी छ।
मोहन राईले निर्देशन गरेको फिल्म 'महानगर' (वान नाइट इन काठमाडौं) मा एक साँझ दुई अपरिचित व्यक्तिको अचानक हुने भेट र त्यसपछिको घटनाक्रमको कथालाई देखाइएको छ।
फिल्ममा कार्म, मेनुका प्रधान, अनोज पाण्डे, शोविता अधिकारी, जीवन बराल, परीक्षितविक्रम राणा, चन्द्र पाण्डेलगायत कलाकारको अभिनय छ।
माउन्टेन रिभर फिल्म्स तथा गो विन प्रोडक्सन्स सँगको सहकार्यमा मिडल वे फिल्म्सले निर्माण गरेको 'महानगर' को लेखन निर्देशन राईले नै गरेका हुन्।
राज शान्दिल्या लिखित तथा निर्देशित फिल्म 'ड्रिम गर्ल २' मा एकता कपूर र शोभा कपूरको लगानी रहेको छ।
फिल्ममा आयुष्मान खुराना, अनन्या पाण्डे, परेश रावल, अनु कपूर, विजय राज, राजपाल यादव, सीमा पहवा, गोवर्धन अस्रानी, अभिषेक बनेर्जी, मन्जोत सिंह, मनोज जोशी, अनुशा मिश्रालगायत कलाकारको अभिनय छ।
नील ब्लोमक्याम्प निर्देशित फिल्म 'ग्रान टुरिस्मो' मा डेभिड हार्बर, ओरल्यान्डो ब्लूम, ड्यारेन बार्नेटलगायत कलाकारको अभिनय छ।
'जय हो' को ट्रेलर:
'महानगर' को ट्रेलर:
'ड्रिम गर्ल २' को ट्रेलर:
'ग्रान टुरिस्मो' को ट्रेलर:
