उदय सुब्बाको निर्देशनमा बनेको फिल्म 'दुई कदम' को पोस्टर सार्वजनिक गरिएको छ।
निर्माण टिमले फिल्मको पोस्टर सार्वजनिक गर्दै प्रदर्शन मिति घोषणा गरेका छन्। यो फिल्म मंसिर २९ गतेदेखि प्रदर्शन हुनेछ।
फिल्मको सार्वजनिक एक पोस्टरमा डेब्यू अभिनेता इओन लिम्बु र डेब्यू अभिनेत्री सिमोन गिरीलाई रोमान्टिक अवतारमा प्रस्तुत गरिएको छ। दोस्रो पोस्टरमा अभिनेता गौरव पहारी र सिमोन गिरीलाई देखाइएको छ।
अजम्बरी फिल्म्सको ब्यानरको फिल्ममा तारा देवी लिम्बुको लगानी रहेको छ। फिल्ममा गौरव, इओन र सिमोनसँगै सुनिल थापा, कविता आले, बुद्धि तामाङ, अर्जुन गुरुङ, विमला लिम्बु, जिवन लिम्बु, चन्दा दाहाल, प्रितिका शर्मालगायत कलाकारको अभिनय रहेको छ।
फिल्ममा दयाराम घिमिरेको कथा तथा पटकथा लेखन, विक्रम डिसीको छायांकन, ताराप्रकाश लिम्बु र विकास चौधरीको संगीत, डिपी खनालको गीत लेखन, राजु किराँतीको द्वन्द्व निर्देशन, रामजी लामिछानेको कोरियोग्राफी र प्रविन ढकालको सम्पादन रहेको छ। फिल्मलाई रिच इन्टरटेनमेन्ट र एफडी कम्पनीले वितरण गर्दैछन्।
