अभिनेता विमलेश अधिकारीले फिल्म निर्देशन गर्ने भएका छन्।
अमेरिका बस्दै आएका उनले फिल्म 'ह्याप्पी डिभोर्स' निर्देशन गर्न लागेका हुन्। मंगलबार काठमाडौंमा एक कार्यक्रम आयोजना गर्दै फिल्मको औपचारिक निर्माण घोषणा गरिएको हो।
कार्यक्रममा फिल्मको कथासार बताउने 'डिभोर्स' बोलको गीत सार्वजनिक गरिएको छ। फिल्ममा दुई जनाको सहमतिमै सम्बन्धबाट छुट्कारा पाउन चाहने कथा देखाइनेछ।
सुरेश लामा र ममता गुरुङको स्वर रहेको गीतमा विशाल पोखरेल र डिपी खनालको शब्द रहेको छ। विशाल पोखरेलले संगीत भरेको गीतमा रिकेश गुरुङले संगीत भरेका हुन्।
रोशन घिमिरेको लगानी रहने फिल्ममा विमलेश अधिकारी, केकी अधिकारी र रीमा विश्वकर्माको मुख्य भूमिका छ।
यो फिल्मको छायांकन सन् २०२४ जनावरीमा हुने बताइएको छ।
नवराज उप्रेतीले छायांकन गर्ने फिल्मलाई टेकेन्द्र शाहले सम्पादन गर्नेछन्। फिल्ममा विमलेशको कन्सेप्ट र कथा लेखन रहेको छ।
विमलेशले 'तुलसी, मुटु, ब्रेकफेल, मेरो बेस्ट फ्रेन्ड, जंगबहादुरको कोट' जस्ता फिल्ममा अभिनय गरेका छन्। उनी म्युजिक भिडिओमा रूचाइएका थिए।
