फाल्गुनन्द लिङदेन फिल्म्स ब्यानरको निर्माणमा लिम्बु फिल्म 'रीत २' को बन्ने भएको छ।
फिल्मका लेखक तथा निर्देशक दिनेश लिङ्देनका अनुसार फिल्ममा विशेष गरी लिम्बु जातिको विवाहमा दुलाहा र दुलही पक्षबीच हुने संस्कारको कथालाई समेटिनेछ।
फिल्ममा लक्ष्मी योङहाङ, सोनु थोक्लिहाङ लिम्बु, विमला खजुम, तेज मेन्याङबो, पूर्ण सेलिङ, सागर केरुङ, याशेली योङ्हाङ, दिनेश माङमु, एन्जिला नेम्वाङ, नन्दु तुम्बापो, नितु नेम्वाङको अभिनय रहनेछ।
लिम्बु भाषा संस्कृतिमा आधारित फिल्मको छायांकन ताप्लेजुङको सिनाम, पाँचथरको ओयाम, इलाम, झापा हुँदै काठमाडौंमा गरिने निर्माण पक्षले जनाएको छ। फिल्मको छायांकन कात्तिक दोस्रो हप्ताबाट सुरू हुनेछ।
सन्चमान जबेगु, विक्रम पयाङ्गु, होमकुमार लावती र आशा नेम्बाङ निर्माता रहने फिल्ममा पूर्ण सेलिङको कार्यकारी निर्माण, कविता राई लिङ्देनको निर्माण व्यवस्थापन तथा सुदिता लिङ्देनको प्रस्तुति रहनेछ।
