दिवाकर भट्टराईले निर्देशन गर्न लागेको फिल्म 'मायावी' को छायाकंन सुरू गरिएको छ।
मुस्ताङको नीलगिरि हिमाल क्षेत्रबाट फिल्मको छायांकन सुरू गरिएको हो। फिल्मको छायाकंन अवधि ३५ राखिएको निर्देशक भट्टराईले जानकारी दिए।
फिल्ममा दीपिका प्रसाईं, पल शाह, सुशील सिटौला, समिम खान, करिश्मा श्रेष्ठ, राजाराम पौडेल, प्रशान्त ताम्राकारलगायत कलाकारको अभिनय रहनेछ। यसै फिल्ममार्फत 'म्यान हन्ट इन्टरनेसनल नेपाल २०१६' का विजेता समिम खान डेब्यू गर्दैछन्।
क्रिएटिभ सिने आर्टसको ब्यानरमा निर्माण हुन लागेको फिल्मको कथा निर्देशक भट्टराईले लेखेका हुन्। भट्टराई करिब चार वर्षपछि पुन: निर्देशनमा कमब्याक गर्दैछन्। उनले पछिल्लाे समय अनमोल केसी अभिनीत फिल्म 'क्याप्टेन' निर्देशन गरेका थिए।
राजु थापाको डिओपी रहने फिल्ममा एसडी योगीको संगीत, राम अविरल विष्टको गीत छ।
फिल्ममा एक्सन निर्देशक चन्द्र पन्त र अभिनेता राज कटुवाल निर्माता रहेका छन्। राज फिल्म 'मायावी' मार्फत निर्माणमा पाइला चाल्न लागेका हुन्।
