दिपेन्द्र के खनाल निर्देशित फिल्म 'पशुपति प्रसाद २: भष्मे डन' बाट अभिनेता सौगात मल्लको पोस्टर सार्वजनिक भएको छ।
शुक्रबार सार्वजनिक गरिएको पोस्टरमा अभिनेता मल्ल आक्रोशित अवतारमा देखिएका छन्। यसअघि सार्वजनिक भएका पोस्टर, टिजर र गीतले फिल्मको हाइप बढाएको छ।
'पशुपति प्रसाद' को मृत्युपछि पशुपति क्षेत्रमा आफ्नो अस्तित्व स्थापित गर्न संघर्षरत 'भष्मे डन' को जीवनमा एउटा रोमाञ्चक पात्रको प्रवेशपछि सुरू भएको परिचय र आत्मसम्मानको लागि गर्ने शक्ति संघर्षको कथामा निर्माण गरिएको हो।
फिल्ममा सौगात मल्लसँगै विपीन कार्की, स्वस्तिमा खड्का, रविन्द्र सिंह बानियाँ, माओत्से गुरुङ, प्रकास घिमिरे, लोकेन्द्र लेखक, मिस्श्री थापा, विभु पौडेल, प्रकाश दाहाल, सजन थापा मगरलगायत कलाकारको अभिनय रहनेछ। फिल्ममा अभिनेता तथा निर्माता खगेन्द्र लामिछाने र अभिनेत्री वर्षा सिवाकोटी पनि विशेष भूमिकामा देखिनेछन्।
टुकी आट्र्सको ब्यानरमा निर्माण भएको फिल्मको कथा निर्माता तथा अभिनेता खगेन्द्र लामिछानेले लेखेका हुन्। निरज कँडेलको डिओपी, कृष्ण थापाको छायांकन, दीर्घ खड्काको सम्पादन, कृष्ण भारद्वाजको संगीत रहेको छ।
यो फिल्म कार्तिक ४ गतेदेखि प्रदर्शन हुँदैछ।
