कान्तिपुर फिल्म एकेडेमीले सिरिज 'लभ सूत्र' को टिजर सार्वजनिक गरेको छ।
सार्वजनिक ३७ सेकेन्डको टिजर र कलाकारको लाइनअप हेर्दा सिरिज रोमान्टिक लभ स्टोरी र कमेडी बनेको देख्न सकिन्छ। भि मोसन पिक्चर्स र ओएसआर डिजिटलले मिलेर बनाएको सिरिजलाई निरोज महर्जनले निर्देशन गरेका हुन्।
सिरिजमा शिल्पा मास्के, विनय श्रेष्ठ, संजोग कोइराला, सजन श्रेष्ठ, संजोग रसाइली, रविन्द्र झालगायत कलाकारको अभिनय छ।
सिरिज ३० देखि ४० मिनेटको ५ वटा एपिसोड हुनेछ। सिरिज असोज २९ गतेदेखि कान्तिपुर फिल्म एकेडेमीको सब्स्क्रीप्सन लिएर मोबाइल फोन, वेव र स्मार्ट टिभीमा हेर्न मिल्ने बताइएको छ।
