नृत्य रियालिटी शो 'द डान्स योद्धा: ब्याटल अफ मुभ्स' को घोषणा गरिएको छ।
बिहीबार काठमाडौंमा एक कार्यक्रम आयोजना गर्दै शोको घोषणा गरिएको हो। शोलाई शुभम भुजेलले निर्देशन गर्नेछन्।
निर्देशक भुजेलका अनुसार अहिले डिजिटल अडिसन लिने काम भइरहेको छ। यो शो मंसिर पहिलो साताबाट प्रसारण हुनेछ। तर कुन टेलिभिजन च्यानलबाट प्रसारण हुने तय गरिएको छैन।
पछिल्लो समय भोटिङका कारण रियालिटी शो विवादित बन्दै आएको छ। त्यसले यस शोमा भोटिङ सिस्टम नरोखेको निर्देशक भुजेलले बताए।
निष्पक्षताको लागि यो शोका निर्णायकले दिने सम्पुर्ण अंक डिजिटल बोर्डमा सार्वजनिक समेत गर्नेछ। शोको मापदण्ड विपरित अत्याधिक र न्युन अंक दिने निर्णायकलाई लाइभ शोमै स्पष्टीकरण सोधिने आयोजक संस्थाले जनाएको छ। साथै प्रतिस्पर्धीलाई गीत छनोटमा अत्याधिक स्वतन्त्रता दिइने बताइएको छ।
यो शोको निर्णायकमा कोरियोग्राफर गम्म्भिर विष्ट, अभिनेत्री वर्षा राउत र वाइल्ड रिपर्ज क्रुका सुरेन राई रहेका छन्।
सिने इभेन्ट स्टुडियो प्रालीको ब्यानरबाट निर्माण हुने रियालिटी शोको म्यानेजमेन्ट टिममा सौगात बराल, रिया श्रेष्ठ र सौगात दंगाल, डिजाइनरमा रिसभ पोखरेल, डिजिटल मार्केटिङमा दर्शन कोइराला तथा प्रमोशन संयोजकमा प्रोजेक्ट हेड मानव सिवाकोटी छन्।
