धादिङका दीपक बस्नेतले म्युजिक भिडिओ 'मेरो भगवान' सार्वजनिक गरेका छन्।
उनले आफ्नै युट्युब च्यानल ‘अनुदिप क्रियशन’बाट म्युजिक भिडिओ सार्वजनिक गरेका हुन्।
बस्नेतले रचना गरेको गीतमा मीना नेपालीको स्वर र शिव अनुरागको संगीत छ।
गीतको भिडिओमा दिपक बस्नेत, बन्दना बेली, प्रगती हुमागाइँको अभिनय छ।
ग्रामीण परिवेश देखाइएको भिडिओलाई उदय प्रकाशले निर्देशन गरेका हुन्।
भिडिओमा गरिबीका कारण घरपरिवारलाई छाडेर विदेश जानुपर्ने अवस्था र त्यसले परिवारमा पर्ने प्रभावलाई देखाउन खोजिएको छ।
