निर्देशक परिच्छेद सेनले नयाँ फिल्म निर्माणको घोषणा गरेका छन्।
घटस्थापनाको अवसर पारेर नयाँ फिल्म 'महाराजधिराज' निर्माणको घोषणा गरिएको हो। परिच्छेदकै लेखन रहेको फिल्मका प्रस्तुतकर्ता विराज विष्ट हुन्।
टोपेन्द्र विष्टको लगानीमा तयार हुने फिल्मले रोमान्टिक तथा सामाजिक कथा प्रस्तुत गर्ने निर्देशक सेनले जानकारी दिए।
छत्रेश्वरी म्यानेजमेन्ट प्रालीको ब्यानरमा निर्माण हुने फिल्मको निर्माण घोषणासँगै प्रदर्शन मिति पनि तय गरिएको छ। फिल्म २०८१ सालको तिहारमा रिलिज गर्ने बताइएको छ। फिल्मका लागि कलाकार भने तय गरिएको छैन।
यसअघि निर्देशक सेनले फिल्म 'प्रेमगञ्ज' निर्देशन गरेका थिए। यस फिल्मबाट उनले तारिफ बटुलेका थिए। 'प्रेमगञ्ज' अघि उनले छोटो फिल्म 'मदर' र 'स्ट्राइक' पनि निर्देशन गरिसकेका छन्। यी दुवै फिल्मले दुई दर्जन अन्तर्राष्ट्रिय अवार्ड समेत जितेका थिए।
