अनमोल केसीको अभिनय रहने फिल्म 'फर्की फर्की' को प्रदर्शन मिति घोषणा गरिएको छ।
घटस्थापनाको अवसर पारेर आइतबार फिल्मको प्रदर्शन मिति घोषणा गरिएको हो। यो फिल्म गणतन्त्र दिवसको अवसर पारेर २०८१ साल जेठ ११ गतेदेखि प्रदर्शन हुने भएको छ।
निर्माता रोहित अधिकारीका अनुसार अहिले फिल्मको वर्कसपको काम भइरहेको छ। अभिनेता अनमोलले फिल्मकाे वर्कसपको काम सुरू गरिसकेका छन् भने अभिनेत्री जसिता गुरुङ केही दिनपछि जोडिने छिन्। लक्ष्मीपूजाको दिन शुभमुहूर्त गरेर मंसिर १ गतेदेखि छायांकनमा जाने निर्माण टिमको तयारी छ।
फिल्ममा अनमोल र जसितासँगै समृद्धि अर्याल, रवि काफ्लेलगायत कलाकारको अभिनय रहनेछ। फिल्ममा अनमोलको जोडीको रूपमा अभिनेत्री जसिता गुरुङ देखिनेछन्।
सुयोग गुरुङको निर्देशनमा बन्न लागेको फिल्ममा रोहित अधिकारी र ओम अग्रवालको लगानी रहनेछ। सुयोगकै कथा तथा पटकथा रहेको फिल्ममा मनोज ओली र रामु न्यौपाने सह-निर्माता छन्। फिल्मलाई नरेन्द्र मैनालीले छायांकन गर्नेछन्।
रोहित अधिकारी फिल्म्सको प्रस्तुतिमा बन्ने फिल्मलाई रोहितले ओएसआर डिजिटलसँग सहकार्य गरेर निर्माण गर्न लागेका हुन्। फिल्मलाई उपत्यकाभित्र काफिया फिल्म्स र उपत्यका बाहिर कुबेर फिल्म्सले वितरण गर्नेछ।
'गाजलु' र 'छ माया छपक्कै' जस्ता सुपरहिट फिल्म बनाएका निर्माता रोहित अधिकारीको यो तेस्रो फिल्म हो।
-1697362895.JPG?timestamp=1697362903039)
-1697362895.JPG?timestamp=1697362903039)
-1697362895.JPG?timestamp=1697362903039)
-1697362895.JPG?timestamp=1697362903039)
-1697362895.JPG)
