शुक्रबारबाट प्रदर्शनमा आउने फिल्म 'रावायण' को आइटम गीत 'करेजा निकरी' सोमबार सार्वजनिक गरिएको छ। यसमा भारतीय गायिका सोनु कक्कर र समीर चौरासियाको स्वर छ।
प्रदीप श्रीवास्तवको शब्द रहेको गीतमा भारतीय संगीतकार रेवन आरती सिंहको संगीत छ।
भिडिओमा पूर्वमिस नेपाल एवं अभिनेत्री निकिता चण्डकको नृत्य छ। उनलाई ग्ल्यामर लुक्समा देखाइएको छ।
साथमा फिल्मका शीर्ष कलाकार पल शाह, प्रकाश शाह, र कैलाश रावल फिचर्ड छन्। विक्रम स्वारको कोरियोग्राफीमा भिडिओ बनेको हो। गीत भारतको मुम्बईस्थित कैलाश स्टुडिओमा रेकर्ड गरिएको हो।
सुर्दशन थापाको निर्देशनमा तयार यो फिल्ममा पल शाह, पूजा शर्मा, प्रियंका कार्की, प्रमोद अग्रहरी, प्रकाश शाह, कैलाश रावल, अर्जुनजंग शाही, शर्मिला मल्ल, प्रदिप ढकाल लगायत कलाकारहरूको अभिनय छ।
पूजा यो फिल्मको निर्मात्री समेत हुन्।
सुदर्शन थापा प्रोडक्शन र पुजा शर्मा प्रोडक्शनको संयुक्त ब्यानरमा फिल्म बनेको हो। सुशन पाठक यसको कार्यकारी निर्माता हुन्।
फिल्ममा सुदर्शन थापाको कथा, शिवम अधिकारीको लेखन रहेको फिल्ममा सौरभ लामाको छायांकन, श्री श्रेष्ठको एक्सन, मिलन श्रेष्ठको सम्पादन छ।
फिल्मलाई आरआर फिल्मसले वितरण गर्दैछ भने यसको डिजिटल पार्टनरको रूपमा ओएसआर डिजिटल रहेको छ।
एक्सनप्रधान यो फिल्म तीजको अवसर पारेर रिलिज हुन लागेको हो।
