नेपाली कन्टेन्ट क्रिएटर/र्यापर कुशल पोखरेलको गीत लोकप्रिय भारतीय युट्युबर, कमेडियन तथा कलाकार भुवन बमको पछिल्लो वेब सिरिज 'ताजा खबर' को ट्रेलरमा समावेश गरिएको छ।
'ताजा खबर' सिजन २ को ट्रेलर बुधबार मात्रै युट्युबमा रिलिज गरिएको छ। जसमा नेपाली र्यापर पोखरेलको गीत 'पैसा' सुन्न सकिन्छ। यो निकै भाइरल गीत हो। गीतलाई रिलिजको ११ महिनामा युट्युबमा ५ करोड ४७ लाखभन्दा बढीपटक हेरिएको छ।
'ताजा खबर' को सार्वजनिक ट्रेलरमा नेपाली दर्शकले समेत प्रतिक्रिया दिएका छन्। यसको दोस्रो सिजन सेप्टेम्बर २७ देखि स्ट्रिमिङ हुने तयारीमा छ।
